方中信 傻佬最好 由踏入娛樂圈開始，方中信（Alex）就被外間冠以「香港版李察基爾」的稱號。演活多個角色的他，「型男」二字圍繞在他身邊似乎沒完沒了，就連現在播映的《烈火雄心 2》，Alex 也是飾演一個百分百的消防員英雄唐 Sir。 經過十多年的角色洗禮，他終於有點倦，還想繼續演戲的他，反而希望有機會做個「出色的傻佬」。 上星期，方中信跟任達華及方力申齊齊得到一個「型男」獎，據一些非正式統計調查，方中信
是很受二十歲少女歡迎的男藝人，受歡迎程度比起黎明、劉德華更是有過之而無不及。 型男獎其實不多 對於再度獲獎及受少女擁戴，Alex 苦笑說︰「都無話特別開心，其實咁多年以黎都係咁，其實『型』呢個字眼都係人俾稱號，或者係角色方面，例如多數做差人，正氣凜然角色，久而久之就形成一個形象。我從來都唔覺得自己型，亦都唔覺得自己有魅力，人到三十幾歲都已經步入中年，只係慶幸重未發福同甩頭髮咋。 「其實人人都以為我好多『型男』獎，其實夾埋十個數得出，入行咁多年，因為外型被局限，所以成日被安排做殺手、消防員同警察，來來去去都係得幾個樣，連自己都睇到有悶！所以我唔想再做『12345』表情。好似《烈火雄心2》咁，頭十幾集我依然都係『12345』表情，好彩後面十幾集就好好多，因為講我同王喜佢已經熟，唔使再板起塊面，而且有好多感情支線，記得其中有場戲，係講王喜升做二柴，成班伙計玩香港小姐，王喜扮冠軍，我就扮上一屆同佢加冕，幫佢戴消防帽，導演控制畫面控制得好好，感覺亦都生動好多。」
首次監製扮傻佬 入行十四年， Alex 認為現在是變的時候，他說︰「六月我去台灣拍電視劇，入面我飾演一個 Office 中層職員，為人又戇直白領職員，衰講句係俾人恰傻佬，不過我覺得好開心，因為從來都無機會做咁角色，覺得好新鮮，而且好有挑戰性，做落去先知原來自己都可以做得到，只不過從來無咁機會！ 「今次我重處男下海獻出第一次，由自己做埋監製，其實係一個機緣巧合，因為呢個劇一早簽約，點知臨時個監製唔得閒接，九月無又要開新劇，完全 無得再度期，所以惟有頂硬上。雖然從來未做過，但靠平時拍戲睇人囉，可能自己比較奄尖，個劇雖然只得 25 集，但估計要拍三個月，到九月中先完成。原來做監製都唔容易，借屋、借景、控制唔超支都有一定難度，拍呢套劇真係開又開心過，鬧又鬧過，不過到一邊剪片一邊睇時候都係度笑，覺得呢種係新挑戰同埋新滿足感。九月中無開新劇《男人四十》，我同監製傾過，角色同以前都好唔同，係講三個年過四十
男人事業同感情上高低起跌，相信都會係一種另類挑戰。」 自稱為二線演員 Alex 在電影圈的發展一直中規中矩，可以說是「唔休做」。 他笑笑說︰「我相信要做一定有得做，電影我一直係二線演員，唔算好紅，所以生存空間可以好長，我從來都唔介意自己紅唔紅，但係我最介意係俾人話︰『你戲咁差！』拍過咁多部電影，我比較鍾意都係《鎗王》、《每天愛您8小時》同埋《一切從結婚開始》。兩、三年前我由電影跳去拍電視，電影市道唔好自然係一個大前提，加上遇到好多自己唔想拍戲，既然儲到少少子彈（金錢）
，自己就諗，條件唔許可話只可以將演戲當作一份工作，但可以選擇，點解唔將佢發展為一種興趣呢？為令演戲成為終生職業，我嘗試去為興趣發展，去拍電視劇，現在無人會睇港產片，今年最好港產片票房都比舊年差一億，有選擇話都寧願睇西片啦。」 Alex 坦言，就算現在拍劇集都是另有目的，希望可以發展大陸市場，他說︰「講利益，電視方面絕對唔會大，不過無疑係一種輔助性質，但好奇怪，現在我返大陸工作，人人都只係記得我拍過乜電影，無人提過我電視劇，但要計入屋，電影始終唔及電視快，其實自己都有打算過，大陸市場真係大得要命，若果打入市場，一年淨係拍一個大陸劇集加一個全中國播放廣告，年已經好舒服，絕對夠晒自己使。」
女友是結婚對象 在《烈火雄心2》，唐明這個角色在三角戀纏繞，夾在蒙嘉慧及陳慧珊兩段感情中，一個依賴型，另一個則是女強人，現實中的 Alex 的選擇又會是什麼？ 他認真說︰「我會揀蒙嘉慧呢依賴型，因為太 Tough 女人唔我，因為自己都唔係 Tough 類型，所以一齊相處、生活會好難。可能我外觀感覺俾人一種大男人感覺，實際上我其實係個小男人，因為我好易嬲，嬲完之後好快就無事同好開心，所以我做唔到大男人。」 與莫可欣拍拖六年，Alex 直言對方也是自己的理想對象，他慢慢說︰「我一齊咁耐，維持感情方法好簡單，除要感情鞏固之外，是否可以適應對方也是一個元素；所謂相見好、同住難，我現在就好似老夫老妻咁，同結婚無分別，婚一定會結，但絕對唔係呢幾年事，因為目前開支都好大，雖然我個人生活好簡單，平時基本係一個無娛樂人，唔使開工我一定會去做運動，唔係因為步入中年怕肥，只不過呢種已經成為我生活習慣，無工開又唔去做運動，我覺得會周身唔舒服。 「不過，我最鍾意就係車同表，每個月至少會花四萬元去供車或者買表，暫時擁有三架車，不過周時出新款都忍唔住去換，希望趁現在重可以應付，就滿足下自己，年紀大就唔可以啦！」
想買樓同父母住 縱使開支大，但他亦有計劃買樓與父母同住。 Alex 說︰「之前睇中個有花園，有小泳池單位，本來好想買同父母一齊住，不過佢嫌交通唔方便，帶佢地去睇樓個時就問我︰『有無地鐵站？去街咁辛苦。』真係俾佢激死，其實係佢怕我供樓供得辛苦，不過兩老現在都澳門住，因為爸爸重未退休，如果到佢退休的話，我就一定會接佢香港一齊住，（見過女友未？）當然見過啦，印象無乜呀，最緊要都係我自己鍾意。」 始終係型佬 完成訪問之後，拍照期間記者要求 Alex 造出幾個鬼臉作為配相，以示他演「傻仔」角色都有一手，不料很快便拒絕，並說︰「你知唔知其實我唔鍾意影相，所以我咁少訪問出街囉！平時我好少做訪問，因為我最怕影相，來來去去得個幾個甫士，好唔習慣。」
說罷，Alex 又擺出一副憂鬱姿態望向窗外，眼神充滿電力，無論他如何想擺脫，「型佬」仍然是跟他而走。
|
|||||||||||
