方中信最喜歡戴鋼帶表，認為較滄桑有男人味。 名士表有多種選擇，有Hampton Classic （右一、右二）又有粗豪的CapeLand S（中、左二上）及New Linea 等（左一、左二下）。

方中信最愛鋼帶表「夠Man至襯我」

靚人再加靚表，吸引力當然非同凡響，瑞士名士表找來城中型男方中信（Alex），贊助最新手表系列，皆因Alex擁有滄桑男人味，配合剛強硬朗的鋼帶表，簡直要幾型有幾型，再擺一個「殺死女」的甫士，問你點擋？擁有一百七十年歷史的瑞士名士表揚言贊助方中信是：「因為他形象好Man好夠格，同名士表的型爆魅力非常合拍，所以咪搵佢做宣傳。」

Alex 閒時除玩潛水賽車之外，就是收藏名表系列，他說：「屋企約有廿隻手表，其中以鋼帶表最多，因為感覺好Man，可能我個樣比較滄桑，皮帶表太過斯文，唔我Style，而鋼帶表就粗獷得來又好有型，襯得起我個格。」

Alex第一隻收藏的手表，係佢爸爸留俾佢，他說：「到依家我都唔捨得出戴，平時抹下佢，已經心滿意足，收藏系列中最貴隻表約七萬幾蚊，最平約幾百蚊。」