財神酒店盃35號車手符力(方中信)
澳門街 今年係咪你第一次來澳門賽車？點解今年先會落場？
  方中信 係呀！今年係第一次來澳門賽車，細個冇錢嘛！大個開始搵倒錢屋企人又唔係咁想我玩賽車，咁而家卅幾歲人，佢地諗住我應該唔會咁搏命，所以今年咪黎澳門玩囉！
  澳門街 咁之前你有冇在第二個地方參加過賽車呢種活動？
  方中信 去過馬來西亞、珠海等地方玩過。
  澳門街 今日係你第一次正式接觸澳門呢條賽道，感覺如何？
  方中信 呢條賽道真係好刺激，但係同時亦好危險，今日落場跑果陣感覺就好似跑「RALLY」一樣，路面唔係咁平坦。
  澳門街 咁對於今次落場期望有什麼樣的成績？
  方中信 其實今次係一個「還心願」的心態囉！冇話真係想得到咩名次，最緊要跑足全程，望見格仔旗，唔好有意外發生。
  澳門街 咁有了今年的經驗，下一年會唔會再黎過？
  方中信 最主要視乎贊助商的支持啦！哈哈！